teachers' day 2010 & 2011

Lesson Plan(Log Plan) in Filipino 1

Unang Markahan:              Pabula

Aralin 1: Kaligirang Pangkasaysayan ng Pabula “ Ang Matsing at ang      Pagong ni Dr. Jose Rizal Iba’t ibang Paraan ng Pagtatanong

Bilang ng Araw/Sesyon:        5 araw

                                                       ANTAS 1

Kakailanganing Pag-unawa para sa Aralin:         Ang pabula na mga hayop ang karaniwang ginagamit na tauhan ay kasasalaminan ng kultura, kaugalian at kalagayang panlipunan ng lugar at panahon na pinagmulan nito.        May iba’t ibang paraan ng pagtatanong na angkop sa paksang pinag-uusapan at sa uri ng mga taong tinatanong at ang mga ito’y nakatutulong upang makuha ang tiwala ng taong kinakausap at ang kakailanganing mga impormasyon.

Mahahalagang Tanong para sa Aralin:          Masasalamin ba sa mga pabula ang kultura at kalagayang panlipunan ng lugar at panahon na pinagmulan nito? Patunayan.        Bakit mahalaga ang kasanayan sa tamang pagtatanong ?

Nauunawaan ng mag-aaral ang : A.    Panitikan Ang Kaligirang Pangkasaysayan ng Pabula B.     Gramatika/Retorika Iba’t ibang paraan ng pagtatanong tulad ng:     Mga tanong na humuhingi ng limitadong sagot na Oo at Hindi;     Mga tanong na masasagot ng mayroon, wala, oo, hindi, ayaw ko/ayoko,ewan/aywan,marahil at iba pa na may tonong naiinis, naiinip, natutuwa,walang gana at iba pa;     Mga tanong na binubuo ng pangungusap na sinusundan ng hindi/di ba upang matiyak ang katotohanan (o kamalian) ng sinasabi ng pangungusap.

Ang mag-aaral ay:       Nakapagsasalaysay ng pabulang “Ang Matsing at ang bPagong” mula sa orihinal na komiks na nilikha ni Dr. Jose P. Rizal       Nakapag-uulat sa masining na paraan ng nasalksik na mga impormasyon kaugnay ng kaligirang pangkasaysayan ng pabula.       Nakapaglalahad ng mahahalagang pangyayari mula sa isinasagawang pag-uulat.       Nakapagsasagawa ng panayam sa mga tao sa kani-kanilang pamayanan kaugnay ng paksang tatalakayin gamit ang iba’t ibang paraan ng pagtatanong.        Nakapagababahagi ng kani-kanilang karanasan at natutuhan mula sa isinagawang panayam.

ANTAS 2

Inaasahang Pagganap: Pagsasagawa ng panayam (Interview with the Experts) kaugnay ng kaligirang pangkasaysayan ng pabula o mga kauri nito.

Pagpapatibay ng Antas ng Pag-unawa: Naipamamalas ng mag-aaral ang pag-unawa sa pamamagitan ng: Paghahambing sa kalagayan ng mga pabula noon at sa kasalukuyan. Kraytirya : kaangkupan ng mga ideya; naglalahad ng mga patunay; naglalahad ng sariling konklusyon Pagbibigay ng sariling pakahulugan sa mga nakalap na impormasyon kaugnay ng kaligirang pangkasaysayan ng pabula. Kraytirya : makatotohanan; napapanahon; may kaugnayan sa mahalagang kaisipan ng pabula; malikhain Paglalahad ng sariling pananaw tungkol sa kahalagahan ng pag-aaral ng mga pabula ng sariling lugar/rehiyon sa kasalukuyan. Kraytirya : naglalahad ng pananaw ng iba’t ibang tao; may batayan ang nabuong sariling pananaw ; napaninindigan ang sariling pananaw Pagbabahagi ng sariling damdamin at damdamin ng ibang tao tungkol sa kalagayan ng mga pabula sa kani-kanilang lugar/rehiyon sa kasalukuyan. Kraytirya : makatotohanan; naglalarawan ng iba’t ibang damdamin ng mga tao sa sariling rehiyon Pagbibigay ng mga mungkahing paraan o gawain na dapat gawin upang patuloy na lumaganap at tangkilikin ng mga tao ang pabula. Kraytirya : makatotohanan; napapanahon; may kaugnayan sa pangyayari sa pabula Pagninilay-nilay tungkol sa mga kabutihang nagawa ng pabula sa kanyang sarili. Kraytirya : makatotohanan; napapanahon; may kaugnayan sa mahalagang kaisipan ng pabula ; malikhain

Sa Antas ng Pagganap: Pagtataya sa isinagawang panayam (Interview with the Experts) batay sa sumusunod na kraytirya: A. Batay sa pananaliksik B. Kaangkupan sa paksa C. Tama ang paraan ng pagtatanong at pagsagot D. Nagtataglay ng mga elemento ng panayam

ANTAS 3

UNANG ARAW Pagtuklas: Ø  Hatiin sa tatlong pangkat ang klase.  Ipapasaliksik ang pabulang Ang Matsing at ang Pagong” sa www. pilipinokomiks.blogspot.com Ø  Ilahad sa klase ang tungkol sa pabulang “Ang Matsing at ang Pagong” na isinakomiks ni Dr. Jose P. Rizal; ikwento ang pabula mismo at ang mga detalye sa likod nito.        Ø  Pagbuuin ang bawat ng pangkat ng sarili nilang kwento batay sa pabula ni Dr. Rizal. Gawin itong dugtungang pagkukwento. Bigyan ng gantimpala ang pangkat na may pinakamalapit na sagot. Paglinang: Ø  Iugnay ang pag-uugali ng mga tao at kalagayang panlipunan ng panahong isinakomiks ni Rizal ang pabulang “Ang Matsing at ang Pagong” sa tulong ng Venn Diagram o iba pang istratehiyang angkop sa gawaing ito. (kolaboratibong gawain) Ø  Bigyan ng pagkakataon ang bawat pangkat na ipaliwanag ang kanilang ginagawang paghahambing. Pagpapalalim: Ø  Itanong ang Mahahalagang Tanong (EQ) para sa aralin: 1.      Masasalamin ba sa mga pabula ang kultura at kalagayang panlipunan ng lugar at panahong pinagmulan nito? Patunayan. 2.      Bakit mahalaga ang wastong kaalaman sa pagtatanong ? Paglalapat : Ø  Ipasagot sa bawat pangkat ang EQ. Ipaskil ang mga ito sa dingding upang pagkatapos ng aralin ay balikan ng mga mga-aaral at makita kung sino ang may tamang Kakailanganing Pag-unaawa (EU). Ø  Ilahad ng guro ang Inaasahang Pagganap para sa aralin (Pagsasagawa ng Panayam/Interview with the Experts). Ø  Bumuo ng mga kraytirya kung paano ito tatayain/mamarkahan. Isama ang mga mag-aaral sa pagbuo ng mga kraytirya. Ø  Ibigay na takdang aralin sa bawat pangkat ang pananaliksik tungkol sa pabula at ang kaligirang pangkasaysayan nito.                     Pangkat 1 – pananaliksik sa pamamagitan ng Internet                     Pangkat 2 – pananaliksik sa silid-aklatan                     Pangkat 3 – pakikipanayam sa mga taong may sapat na kaalaman sa paksa MGA KAGAMITAN      Orihinal na komiks ng  Ang Pagong at ang Matsing na nilikha ni Dr. Jose P. Rizal      Babasahin tungkol sa Kaligirang Pangkasaysayan ng Pabula      Mga Kraytirya sa Pagtataya ng isinagawang panayam      Internet, www.pilpinokomiks.blogspot.com